Ռումինիայում ՀՀ դեսպանի այցելությունը Բայա Մարե քաղաք

15 դեկտեմբերի, 2024

Դեկտեմբերի 14-ին Ռումինիայում ՀՀ արտակարգ և լիազոր դեսպան Տիգրան Գալստյանը այցով գտնվել է Բայա Մարե քաղաքում։

Այցի շրջանակներում ՀՀ դեսպանը հանդիպում է ունեցել Բայա Մարեի նորընտիր քաղաքապետ Յոան-Դորու Դընկուշի հետ։ Հանդիպմանը երկուստեք արժևորվել է ազգային փոքրամասնությունների հարուստ պատմություն ունեցող քաղաքի զարգացման և միջմշակութային համերաշխության գործում հայ համայնքի կարևոր ներդրումը, ինչպես նաև հայ-ռումինական ապակենտրոնացված համագործակցության համատեքստում Բայա Մարե քաղաքի ակտիվ ներգրավման հեռանկարները։

Դեսպան Գալստյանը և քաղաքապետ Դընկուշը Ռումինահայոց միության Բայա Մարեի մասնաճյուղի նախագահ Սորին Գդլեանի հրավերով ներկա են գտնվել Ռումինիայի ազգային փոքրամասնությունների օրվան նվիրված «Միասին» գիտաժողովին՝ կազմակերպված քաղաքի հայ և գերմանական համայնքների կողմից ՀՀ դեսպանի բարձր հովանու ներքո։

Գիտաժողովին հաջորդել են մշակութային միջոցառումներ, որին մասնակցել են նաև տեղի հունգարական, հրեա, լեհ և սլովակ համայնքների, ինչպես նաև Ռումինահայոց միության այլ մասնաճյուղերի ղեկավարներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր