Դեսպան Տիգրան Գալստյանը հանդիպել է Բուխարեստի տնտեսագիտական համալսարանի ռեկտոր Նիկոլայե Իստուդորի հետ

04 հունիսի, 2024

Հունիսի 4-ին Ռումինայում ՀՀ դեսպան Տիգրան Գալստյանը ճանաչողական այց է կատարել Բուխարեստի տնտեսագիտական համալսարան և հանդիպել ռեկտոր Նիկոլայե Իստուդորի հետ։

Հանդիպմանը քննարկվել են բարձրագույն կրթության բնագավառում հայ-ռումինական հարաբերությունների ընթացքը, իրականացվող համատեղ ծրագրերը, համալսարանների միջև առկա շփումների առավել ակտիվացման և միջհամալսարանական համագործակցության նոր ձևաչափերի հաստատման հեռանկարները։

Ընդգծվել է Բուխարեստի տնտեսագիտական համալսարանի և Հայաստանի պետական տնտեսագիտական համալսարանի միջև գործընկերային կապերի հաստատման կարևորությունը, այդ թվում դասախոսների փոխայցելությունների և ուսանողների փոխանակման, ինչպես նաև միջազգային կրթական, վերապատրաստման և շարժունակության ծրագրերի շրջանակներում համագործակցության միջոցով։

Երկուստեք կարևորվել է Հայաստանի և Ռումինիայի երկկողմ տնտեսական հարաբերությունների ներուժը վերհանելու նպատակով համալսարանների հետազոտական կենտրոնների միջև կանոնավոր շփումները և հետազոտությունների իրականացումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր