Դեսպան Տիգրան Գալստյանը հանդիպել է Ռումինիայի պատգամավորների պալատի արտաքին քաղաքականության հանձնաժողովի նախագահ Բիրո Ռոզալիա֊Իբոլյային

25 մարտի, 2024

Մարտի 25-ին Ռումինիայում ՀՀ արտակարգ և լիազոր դեսպան Տիգրան Գալստյանը հանդիպել է Ռումինիայի պատգամավորների պալատի արտաքին քաղաքականության հանձնաժողովի նախագահ Բիրո Ռոզալիա֊Իբոլյային։

Զրուցակիցները գոհունակությամբ անդրադարձել են վերջին շրջանում ակտիվացած հայ֊ռումինական միջկառավարական և միջխորհրդարանական շփումներին, այդ թվում՝ կայացած և նախատեսվող փոխայցելություններին։

Երկուստեք ընդգծվել է, որ երկու երկրների պատմական բարեկամությունը և հարաբերություններում առկա դինամիկան լավ նախադրյալներ է ստեղծել երկկողմ համագործակցությունը տարբեր ոլորտներում առավել ամրապնդելու և խորացնելու համար՝ այդ գործում կարևորելով խորհրդարանների միջև շփումները, ինչպես նաև միջխորհրդարանական հարթակներում փոխաջակցությունը։

Տարածաշրջանային անվտանգային և տնտեսական փոխկապակցվածությանն անդրադառնալիս` դեսպան Գալստյանը ներկայացրել է ՀՀ կողմից առաջ քաշված նախաձեռնությունները` ընդգծելով միջազգային գործընկերների, մասնավորապես նաև խորհրդարանական ձևաչափով դրանց աջակցելու կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր