Անձնագիր

ՄԻՆՉԵՎ 16 ՏԱՐԵԿԱՆ ԵՐԵԽԱՅԻ ԱՆՁՆԱԳՐԻ ՓՈԽԱՆԱԿՈՒՄ ԿԱՄ ԱՌԱՋԻՆ ԱՆԳԱՄ ԱՆՁՆԱԳՐԱՎՈՐՈՒՄ

16 տարին չլրացած Հայաստանի Հանրապետության քաղաքացիներին անձնագիր տրվում է ըստ ցանկության` մեկ ծնողի կամ օրինական ներկայացուցչի դիմումի հիման վրա:

Մինչև 6 տարեկան քաղաքացիներին անձնագիրը տրամադրվում է 3 տարի վավերականության ժամկետով, 6 տարեկանից մինչև 16 տարեկանը՝ 5 տարի վավերականության ժամկետով, իսկ 16 տարին չլրացած արական սեռի անչափահասներին՝ մինչև 19 տարին լրանալը:

Անհրաժեշտ փաստաթղթերի ցանկ`

Անձնագիրը փոխանակելու համար ծնողը կամ օրինական ներկայացուցիչն անձամբ ՀՀ դեսպանություն (հյուպատոսական հիմնարկ) է ներկայացնում՝

դիմում անձնագիր ստանալու մասին (ներբեռնել),
35x45 մմ չափսի 4 գունավոր նույնական լուսանկար (առավելագույնը 6 ամիս վաղեմության),
անչափահասի ՀՀ անձնագրի բնօրինակը և դրա 2-5-րդ էջերի պատճենները,
ծնողների անձնագրերի բնօրինակները և դրանց 2-3-րդ էջերի պատճենները,
ծնողների ամուսնության վկայականի բնօրինակը և դրա պատճենը,
մինչև երեխայի ծնունդն ամուսնության գրանցման բացակայության դեպքում լրացուցիչ ներկայացվում են հետևյալ փաստաթղթրը՝

ա) հայրության ճանաչման վկայականի բնօրինակը և դրա պատճենը, կամ

բ) միայնակ մայր լինելու մասին տեղեկանքի բնօրինակը և դրա պատճենը, կամ

գ) ծնողի մահվան վկայականի բնօրինակը և դրա պատճենը կամ օրենքով սահմանված կարգով անհայտ բացակայող կամ մահացած ճանաչելու վերաբերյալ դատարանի վճիռը և դրա պատճենը,

պետական տուրքի վճարման անոդորրագիրը (ստացականը):
Վճարել պետական տուրքը (30,000 ՀՀ դրամ)։

Ուշադրություն՝

Եթե անձնագիրը տրամադրվում է առաջին անգամ, բացի վերը նշվածից, ներկայացվում է նաև ծննդյան վկայականի բնօրինակը և դրա պատճենը:
Եթե երեխայի ծնվելու պահին ծնողներից մեկը ՀՀ քաղաքացի է, իսկ մյուսը ունի օտարերկրյա պետության քաղաքացություն, կամ հանդիսանում է քաղաքացիություն չունեցող անձ, ապա առաջին անգամ անձնագրի համար դիմելիս երեխայի ՀՀ քաղաքացիություն չունեցող ծնողը տալիս է գրավոր համաձայնություն՝ երեխային ՀՀ քաղաքացիություն և ՀՀ քաղաքացու անձնագիր տալու մասին։
Եթե երեխային անձնագիրը տրամադրվում է ծնողների կամ ծնողներից մեկի կողմից ՀՀ քաղաքացիություն ձեռք բերելու արդյունքում, ապա ծնողները և նրանց 14 տարեկանը լրացած երեխան տալիս են գրավոր համաձայնություն՝ երեխային ՀՀ քաղաքացիություն և ՀՀ քաղաքացու անձնագիր տալու մասին:
Տվյալ համաձայնությունը վավերացվում է դեսպանությունում (հյուպատոսական հիմնարկում)՝ անվճար։
Եթե ծնողներից մեկն անձամբ չի կարող ներկայացնել համաձայնությունը, ապա ներկայացվող համաձայնության վրա նրա ստորագրության իսկությունը պետք է վավերացված լինի նոտարական կարգով և հաստատված լինի ապոստիլով կամ հյուպատոսական վավերացմամբ:

Ի գիտություն՝

Օտարերկրյա պետությունների իրավասու մարմինների կողմից տրված փաստաթղթերը (քաղաքացիական կացության գրանցման վկայականներ, տեղեկանքներ, նոտարական փաստաթղթեր, թարգմանություններ) պետք է հաստատված լինեն ապոստիլով կամ հյուպատոսական վավերացմամբ:
Օտար լեզվով փաստաթղթերը ապոստիլով հաստատելուց կամ հյուպատոսական վավերացմից հետո պետք է թարգմանվեն հայերեն։
Եթե թարգմանությունը կատարված է որակավորված կամ երդվյալ թարգմանչի կողմից, ապա թարգմանությունը նույնպես պետք է հաստատվի ապոստիլով կամ հյուպատոսական վավերացմամբ:
Անձնագրավորման գործի շրջանակում կատարված գործողությունների համար (հարցումներ, իսկության ստուգում, ստորագրության հաստատում, բացառությամբ թարգմանության) պետական տուրք չի գանձվում:

ԶԻՆՎՈՐԱԿԱՆ ՀԱՇՎԱՌՈՒՄ

Արական սեռի այն քաղաքացիները, ում 16 տարեկանը լրանում է տվյալ տարում, ենթակա են զինվորական հաշվառման։

Զինվորական հաշվառման կանգնելու համար անհրաժեշտ փաստաթղթերն են՝

դիմում (լրացվում է տեղում),
պարտավորագիր (լրացվում է տեղում),
ինքնակենսագրություն (անհրաժեշտ է նշել ծննդավայրը, այլ պետություն տեղափոխվելու ժամանակը, ուսումնական հաստատության անվանումը, վայրը, ընտանիքի կազմը),
ծննդյան վկայականի պատճենը,
ՀՀ անձնագրի պատճենը (առկայության դեպքում),
35×45 մմ չափսի 2 գունավոր նույնական լուսանկար (առավելագույնը 6 ամիս վաղեմության),
բնակության վայրից տեղեկանք (տեղեկանքում նշվում է, թե տվյալ անձը ում հետ և որ հասցեում է բնակվում),
բնութագիր (ուսումնական հաստատությունից՝ պաշտոնատար անձի ստորագրությամբ և հաստատված կնիքով),
առողջական վիճակի մասին փաստաթղթեր (առկայության դեպքում):

16 ՏԱՐԻՆ ԼՐԱՑԱԾ ՔԱՂԱՔԱՑԻՆԵՐԻ ԱՆՁՆԱԳՐԻ ՓՈԽԱՆԱԿՈՒՄ ԿԱՄ ԱՌԱՋԻՆ ԱՆԳԱՄ ԱՆՁՆԱԳՐԱՎՈՐՈՒՄ

16 տարին լրացած ՀՀ քաղաքացիներին անձնագիր տրամադրվում է 10 տարի վավերականության ժամկետով, սակայն 16 տարին լրացած արական սեռի քաղաքացիներին՝ մինչև նրանց 19 տարին լրանալը, իսկ 19 տարին լրացած լինելու դեպքում՝ «Զինվորական ծառայության և զինծառայողի կարգավիճակի մասին» օրենքով սահմանված կարգով տրված պարտադիր զինվորական ծառայության զորակոչից տարկետման կամ բժշկական վերափորձաքննության ժամկետով:

Պաշտպանության ոլորտում Հայաստանի Հանրապետության պետական կառավարման համակարգի լիազոր մարմնի ղեկավարի միջնորդությամբ 18 տարին լրացած արական սեռի քաղաքացիներին անձնագիր կարող է տրամադրվել նաև այլ ժամկետով՝ ուսման, բուժման, մարզական, մշակութային միջոցառումներին մասնակցելու նպատակով:

Անհրաժեշտ փաստաթղթերի ցանկ՝

Քաղաքացին անձամբ ՀՀ դեսպանություն (հյուպատոսական հիմնարկ) է ներկայացնում՝

փոխանակելու դեպքում՝

դիմում անձնագիր ստանալու մասին (ներբեռնել),
35x45 մմ չափսի 4 գունավոր նույնական լուսանկար (առավելագույնը 6 ամիս վաղեմության),
փոխանակման ենթակա անձնագրի բնօրինակը և դրա 2-3-րդ, էջերի պատճենները,
18-ից 55 տարեկան զինապարտ քաղաքացիների դեպքում՝ զինվորական գրքույկի բնօրինակը և դրա բոլոր էջերի պատճենները, կամ զինվորական հաշվառման փաստը հավաստող տեղեկանքը, կամ տարկետման մասին փաստաթուղթը (բնօրինակը և պատճենը),
պետական տուրքի վճարման անոդորրագիրը (ստացականը):
Վճարել պետական տուրքը (65,000 ՀՀ դրամ)

Ուշադրություն՝

Անձնագրային տվյալների փոփոխության կամ ուղղումներ կատարելու դեպքում բացի վերը նշվածից, ներկայացվում է նաև այն փաստաթուղթը, որի հիման վրա պետք է կատարվի տվյալների փոփոխությունը կամ ուղղումը (բնօրինակը և պատճենը)։

Ի գիտություն՝

Օտարերկրյա պետությունների իրավասու մարմինների կողմից տրված փաստաթղթերը (քաղաքացիական կացության գրանցման վկայականներ, տեղեկանքներ, նոտարական փաստաթղթեր, թարգմանություններ) պետք է հաստատված լինեն ապոստիլով կամ հյուպատոսական վավերացմամբ:
Օտար լեզվով փաստաթղթերը ապոստիլով հաստատելուց կամ հյուպատոսական վավերացումից հետո պետք է թարգմանվեն հայերեն։
Եթե թարգմանությունը կատարված է որակավորված կամ երդվյալ թարգմանչի կողմից, ապա թարգմանությունը նույնպես պետք է հաստատվի ապոստիլով կամ հյուպատոսական վավերացմամբ:
Անձնագրավորման գործի շրջանակում կատարված գործողությունների համար (հարցումներ, իսկության ստուգում, ստորագրության հաստատում, բացառությամբ թարգմանության) պետական տուրք չի գանձվում:

Կորստյան դեպքում.

դիմում անձնագիր ստանալու մասին (ներբեռնել),
35x45 մմ չափսի 4 գունավոր նույնական լուսանկար (առավելագույնը 6 ամիս վաղեմության),
հայտարարություն անձնագիրը կորցնելու մասին (ներբեռնել)
կորսված անձնագրի պատճենը (առկայության դեպքում),
18-ից 55 տարեկան զինապարտ քաղաքացիների դեպքում՝ զինվորական գրքույկի բնօրինակը և դրա՝ բոլոր էջերի պատճենները, կամ զինվորական հաշվառման փաստը հավաստող տեղեկանքը, կամ տարկետման մասին փաստաթուղթը (բնօրինակը և պատճենը),
պետական տուրքի վճարման անդորրագիրը (ստացականը):
Վճարել պետական տուրքը (65,000 ՀՀ դրամ)

Ի գիտություն՝

Օրենքով սահմանված կարգով անգործունակ ճանաչված քաղաքացու անձնագրի տրամադրման կամ փոխանակման համար փաստաթղթերը ներկայացնում և անձնագիրը ստանում է նրա օրինական ներկայացուցիչը:
Առաջին խմբի հաշմանդամն իրավունք ունի անձնագիր ստանալ ներկայացուցչի դիմումի հիման վրա: Այս դեպքում դիմումին կցվում է քաղաքացու հաշմանդամության վկայականը կամ վկայականի՝ նոտարական կարգով վավերացված պատճենը (որոնց բնօրինակները պատճենահանվում և վերադարձվում են դիմումատուին), ինչպես նաև ներկայացուցչի լիազորությունները հավաստող՝ օրենքով սահմանված կարգով վավերացված լիազորագիրը (հաստատված ապոստիլով կամ հյուպատոսական վավերացմանմբ):
Օտարերկրյա պետությունների իրավասու մարմինների կողմից տրված փաստաթղթերը (քաղաքացիական կացության գրանցման վկայականներ, տեղեկանքներ, նոտարական փաստաթղթեր, թարգմանություններ) պետք է հաստատված լինեն ապոստիլով կամ հյուպատոսական վավերացմամբ:
Օտար լեզվով փաստաթղթերը ապոստիլով հաստատելուց կամ հյուպատոսական վավերացումից հետո պետք է թարգմանվեն հայերեն։
Եթե թարգմանությունը կատարված է որակավորված կամ երդվյալ թարգմանչի կողմից, ապա թարգմանությունը նույնպես պետք է հաստատվի ապոստիլով կամ հյուպատոսական վավերացմամբ:
Անձնագրավորման գործի շրջանակում կատարված գործողությունների համար (հարցումներ, իսկության ստուգում, ստորագրության հաստատում, բացառությամբ թարգմանության) պետական տուրք չի գանձվում:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻՈՒԹՅՈՒՆ ՁԵՌՔ ԲԵՐԱԾ ԱՆՁԱՆՑ ԱՆՁՆԱԳՐԻ ՏՐԱՄԱԴՐՈՒՄ

Անհրաժեշտ փաստաթղթերի ցանկ՝

դիմում անձնագիր ստանալու մասին (լրացվում է տեղում),
օտարերկրյա պետության քաղաքացու անձնագրի բնօրինակը և դրա 2-3 էջերի պատճենները
18-55 տարեկան տղամարդկանց համար՝ զինհաշվառման կանգնելու մասին դիմում (լրացվում է տեղում),
օտարերկրյա պետության զինվորական գրքույկ և պատճենը (առկայության դեպքում)
ՀՀ քաղաքացիություն շնորհելու վերաբերյալ իրավասու մարմնի կողմից տրամադրված ծանուցումը կամ ՀՀ քաղաքացիություն շնորհելու մասին ՀՀ նախագահի հրամանագրի տվյալները (համարը և ամսաթիվը),
պետական տուրքի վճարման անդորրագիրը (ստացականը),
Վճարել պետական տուրքը (65,000 ՀՀ դրամ)

Ի գիտություն՝

18 տարին լրացած և ՀՀ քաղաքացիություն ստացած արական սեռի քաղաքացիները մինչև 37 տարին լրանալը Հայաստանի Հանրապետությունում ենթակա են զորակոչի, եթե մինչև ՀՀ քաղաքացիություն ստանալը այլ պետությունում չեն անցել պարտադիր զինվորական ծառայություն (12 ամիս ժամկետով) կամ այլընտրանքային ծառայություն (18 ամիս ժամկետով)։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր