Դեսպան Տիգրան Գալստյանը հանդիպել է Ռումինիայի ներդրումների և արտաքին առևտրի գործակալության նախագահ, պետքարտուղար Դանիել Կոնստանինի հետ

25 փետրվարի, 2026

Ռումինիայում ՀՀ դեսպան Տիգրան Գալստյանը հանդիպում է ունեցել Ռումինիայի Ներդրումների և արտաքին առևտրի գործակալության նորանշանակ նախագահ, պետքարտուղար Դանիել Կոնստանտինի հետ։

Հանդիպմանը երկուստեք գոհունակությամբ նշվել է 2025թ. ընթացքում Հայաստան-Ռումինիա երկկողմ առևտրաշրջանառության ծավալների կտրուկ աճը, որը վերջին տարիներին առաջին անգամ գերազանցել է 100մլն ԱՄՆ դոլարը։

Քննարկվել են երկու երկրների միջև գործարար կապերի ընդլայնման միջոցով փոխադարձ առևտրի ծավալների հետագա աճն ապահովելուն ուղղված քայլերը և նոր ուղղությունների ներառումը։

Անդրադարձ է կատարվել ՀՀ կառավարության "Խաղաղության խաչմերուկ" նախագծի և TRIPP-ի իրականացման ռազմավարական կարևորությունը Սևծովյան տարածաշրջանում առևտրաշրջանառության առավել խթանման և փոխշահավետ տնտեսական զարգացման տեսանկյունից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր