Դեսպան Գալստյանի հանդիպումը Ռումինիայի նախագահական խորհրդական Լյումինիցա Օդոբեսկուի հետ

08 սեպտեմբերի, 2025

Սեպտեմբերի 8-ին Ռումինիայում ՀՀ դեսպան Տիգրան Գալստյանը հանդիպում է ունեցել Ռումինիայի նախագահի եվրոպական հարցերով խորհրդական Լյումինիցա Օդոբեսկուի հետ։

Հանդիպմանը քննարկվել են հայ-ռումինական երկկողմ հարաբերությունների զարգացման հեռանկարները, ինչպես նաև Վաշինգտոնյան համաձայնությունների արդյունքում Հարավային Կովկասում խաղաղության հաստատման դրական ազդեցությունը ընդլայնված Սևծովյան տարածաշրջանում տնտեսական համագործակցության խորացման վրա։

Ընդգծվել է տարածաշրջանային հաղորդակցության ուղիների ապաշրջափակման արդյունքում նոր հնարավորություններն արդյունավետ օգտագործելու, և այդ ուղղությամբ Ռումինիայի ակտիվ ներգրավման կարևորությունը։

Անդրադարձ է կատարվել նաև ՀՀ-ԵՄ գործընկերության նոր օրակարգին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր