Ուսանողների հետ հանդիպում-քննարկում Բուխարեստի համալսարանի քաղաքական գիտությունների ֆակուլտետում

09 մայիսի, 2025

Մայիսի 9-ին Ռումինիայում ՀՀ դեսպան Տիգրան Գալստյանը մասնակցել է Եվրոպայի օրվան նվիրված Բուխարեստի համալսարանի Քաղաքական գիտությունների ֆակուլտետի կողմից կազմակերպված փառատոնի շրջանակներում «Դեսպանների ժամ» հանդիպում-քննարկմանը համալասարանի ուսանողության և պրոֆեսորական կազմի ներկայացուցիչների հետ։

ՀՀ դեսպանը, Ռումինիայում Իտալիայի, Իսպանիայի, Ուկրաինայի, Ֆիլիպինների և Ինդոնեզիայի իր գործընկերների հետ միասին ներկայացրել է ներկայիս աշխարհաքաղաքական բարդ իրավիճակում դիվանագիտական գործունեության առջև ծառացած մարտահրավերները՝ կարևորելով դրանց հասցեագրման համար անհրաժեշտ նորարար լուծումներ գտնելու կարողունակության ձևավորումը։

Ուսանողության հետ ինտերակտիվ քննարկման և հարցուպատասխանի ընթացքում դեսպան Գալստյանն անդրադարձել է Հարավային Կովկասում, ինչպես նաև գլոբալ անվտանգային զարգացումներին և դրանց լուծմանն ուղղված ջանքերում դիվանագիտական անդադար աշխատանքի կենսական կարևորությանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր