Հանդիպում Ռումինիայի դիվանագիտական ինստիտուտի ղեկավարի հետ

02 ապրիլի, 2025

Ապրիլի 2-ին Ռումինիայում ՀՀ դեսպան Տիգրան Գալստյանը հանդիպում է ունեցել Ռումինիայի ԱԳՆ ներքո գործող Ռումինական դիվանագիտական ինստիտուտի գլխավոր տնօրեն, պրոֆեսոր Վլադ Նիստորի հետ։

Հանդիպմանը քննարկվել են փորձագիտական և վերլուծական բնագավառներում դիվանագիտական ինստիտուտի հետ փոխգործակցության և համատեղ ծրագրերի իրականացման հեռանկարները։

Անդրադարձ է կատարվել ինստիտուտի և ՀՀ ԱԳՆ դիվանագիտական դպրոցի միջև համագործակցության ընթացքին՝ կարևորելով փոխայցելությունների միջոցով կապերի շարունակական խորացման կարևորությունը։

Մտքեր են փոխանակվել միջազգային և տարածաշրջանային անցուդարձի, ինչպես նաև նորահայտ գլոբալ մարտահրավերներին դիմագրավելու նպատակով դիվանագիտական գործունեության վերաիմաստավորման և փոխակերպման անհրաժեշտության վերաբերյալ։

ՀՀ դեսպանը զրուցակցին է ներկայացրել տարածաշրջանային խաղաղություն հաստատելուն միտված Հայաստանի կառուցողական ջանքերը՝ ընդգծելով դրանց կենսական կարևորությունը Սևծովյան տարածաշրջանում տնտեսական փոխկապակցվածության և կայուն զարգացման համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր