Հանդիպում Ռումինիայի Ներդրումների և արտաքին առևտրի ռումինական գործակալության նախագահ պաշտոնակատարի հետ

24 մարտի, 2025

Մարտի 24-ին Ռումինիայում ՀՀ դեսպան Տիգրան Գալստյանը հանդիպում է ունեցել Ռումինիայի Ներդրումների և արտաքին առևտրի ռումինական գործակալության նախագահի պաշոտանակատար Դորու-Կլաուդիան Ֆրունզուլիկայի հետ։

Հանդիպման ընթացքում քննարկվել են ՀՀ-Ռումինիա տնտեսական համագործակցության զարգացման հեռանկարները, մասնավորապես՝ երկկողմ տնտեսական օրակարգում փոխադարձ առևտրի և ներդրումների նոր ուղղությունների ներառման, ինչպես նաև երկու երկրների մասնավոր հատվածների միջև գործարար կապերի ընդլայնման միջոցով։

Զրուցակիցները գոհունակությամբ արձանագրել են հայ-ռումինական տնտեսական համագործակցության առավել խորացման համար առկա դրական նախադրյալները, մտքեր փոխանակել երկու երկրների կառավարությունների կողմից վարվող ներդրումային քաղաքականության և արտաքին առևտրի բնագավառում վերջին զարգացումների շուրջ։

Դեսպան Գալստյանը ռումինացի զրուցակցին է ներկայացրել ՀՀ կառավարության "Խաղաղության խաչմերուկ" նախագիծը, ընդգծելով դրա ռազմավարական կարևորությունը Սևծովյան տարածաշրջանում առևտրաշրջանառության առավել խթանման և տնտեսական համապարփակ զարգացման տեսանկյունից։

Երկուստեք պատրաստակամություն է հայտնվել խորացնել համագործակցությունը համատեղ նախագծերի իրականացման տեսքով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր