«Հայաստան. քաղաքակրթական խաչմերուկից տնտեսական խաչմերուկ» խորագրով կոնֆերանս Բուխարեստում

20 փետրվարի, 2025

Փետրվարի 20-ին Բուխարեստի Կենտրոնական համալսարանական գրադարանի դահլիճում կայացել է «Հայաստան. քաղաքակրթական խաչմերուկից տնտեսական խաչմերուկ» խորագրով կոնֆերանս՝ Ֆրանկոֆոնիայի համալսարանական գործակալության “Jeudis de la Francophonie” ծրագրի շրջանակներում։

Կոնֆերանսի հատուկ հրավիրյալ Ռումինիայում ՀՀ դեսպան Տիգրան Գալստյանը անդրադարձ է կատարել Արևմուտք-Արևելք քաղաքակրթությունների խաչմերուկում Հայաստանի պետականության ձևավորման տարբեր փուլերին, առանձնահատկություններին և ներկայիս մարտահրավերներին։

Ներկայացվել է Հայաստանի կողմից տարածաշրջանում կայուն խաղաղության հաստատման նպատակով գործադրվող ջանքերը, մասնավորապես՝ տարածաշրջանային տնտեսական փոխկապակցվածությանն ուղղված ՀՀ կառավարության «Խաղաղության խաչմերուկ» նախագիծը։

Ներկայացմանը հաջորդել է կոնֆերանսի մասնակիցների հարցուպատասխանը ՀՀ դեսպանի հետ։

Միջոցառմանը ներկա են գտնվել Ռումինիայում հավատարմագրած մի շարք դեսպաններ և ֆրանկոֆոն կազմակերպությունների ներկայացուցիչներ, ակադեմիական և լրագրողական շրջանակների ներկայացուցիչներ, ուսանողներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր