Հայաստանի տաղավարը Ռումինիայում դիվանագիտական ներկայացուցչությունների բարեգործական տոնավաճառում

08 դեկտեմբերի, 2024

Դեկտեմբերի 8-ին Ռումինիայի ԱԳՆ հովանու ներքո Բուխարեստում անցկացվել է Կանանց միջազգային ասոցիացիայի կողմից կազմակերպված ամանորյա դիվանագիտական բարեգործական տոնավաճառ, որին առանձին տաղավարով մասնակցել է Հայաստանը։

Հինգ տասնյակից ավելի դիվանագիտական ներկայացուցչությունների տաղավարների կողքին ներկայացված հայկական տաղավարն իր բազմաթիվ այցելուների առջև հանդես է եկել Հայաստանի արհեստագործների միության, Տերյան մշակութային կենտրոնի տեքստիլ արտադրության, Հայասա հայկական զարդերի ձեռարվեստ եզակի նմուշներով, հայկական արտադրության այլ ապրանքներով։

Տոնավաճառի մշակութային ծրագրի շրջանակներում հայկական պարերի շարանով ներկայացել է համայնքային "Վարդավառ" պարային համույթը։

Միջոցառմանը զուգահեռ, դեկտեմբերի 7-ից 8-ը Բուխարեստի Հայ մշակույթի տանը Հայկական մշակութային կենտրոնի հետ համագործակցությամբ կազմակերպվել էր հայկական արհեստագործության նմուշների պատրաստման վարպետաց դասերի շարք և ամանօրյա ցուցահանդես-տոնավաճառ, որն այցելել են ռումինահայ համայնքի, Ռումինիայում հավատարմագրված դիվանագիտական կորպուսի ներկայացուցիչներ և բազմաթիվ այլ հյուրեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր