ՀՀ դեսպանը մասնակցել է Ռումինիայի Բրաշով քաղաքում անցկացվող «Ֆրանկոֆոնիայի օրերին»

19 նոյեմբերի, 2024

Նոյեմբերի 18-ից 19-ը Ռումինիայում ՀՀ արտակարգ և լիազոր դեսպան Տիգրան Գալստյանը այցելել է Բրաշով՝ մասնակցելու Ռումինիայում ֆրանկոֆոն դեսպանների խմբի հովանու ներքո անցկացվող «Ֆրանկոֆոնիայի օրեր» խորագրով միջոցառումներին։

Այցելության ընթացքում ՀՀ դեսպանը, Կանադայի, Կոնգոյի, Մարոկկոյի, Շվեյցարիայի, Վիետնամի և Ֆրանսիայի դեսպանների հետ միասին մասնակցել է Բրաշովի ֆրանկոֆոն գործարար ակումբի կողմից կազմակերպված տնտեսական ֆորումի կլոր սեղանին՝ տեղի գործարարներին ներկայացնելով Հայաստանի տնտեսական զարգացման վերջին ցուցանիշները, առևտրատնտեսական և ներդրումային հեռանկարները, ինչպես նաև փոքր ու միջին ձեռնարկատերերի համար հնարավոր հետաքրքրություն ներկայացնող ոլորտները։

«Ֆրանկոֆոնիայի օրերի» շրջանակներում ֆրանկոֆոն դեսպանների խումբն այցելել է նաև Տրանսիլվանիայի համալսարան և Բրաշովի տարբեր ձեռնարկություններ՝ հանդիպելով ֆրանկոֆոն գործարարների և ուսանողների հետ։

Միջոցառումներին մասնակցել են Բրաշովի տեղական և տարածքային կառավարման ղեկավար կազմը և գործարար համայնքի բազմաթիվ ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր