Սերգեյ Փարաջանովի 100֊ամյակին նվիրված մշակույթի օրեր Բուխարեստում

13 հոկտեմբերի, 2024

Հոկտեմբերի 10֊ից 13֊ը Ռումինիայում ՀՀ դեսպանության հետ համագործակցությամբ, Ռումինահայոց միության և Հայկական մշակութային կենտրոնի նախաձեռնությամբ Բուխարեստում կայացել է քառօրյա մշակութային փառատոն` նվիրված աշխարհահռչակ հայ կինոռեժիսոր Սերգեյ Փարաջանովի 100֊ամյակին։

Փարաջանովյան մշակութային օրերի շրջանակում Բուխարեստի Թատրոնի և կինոյի ազգային համալսարանի (UNATC) և «Apollo» կինոթատրոններում, ինչպես նաև Հայկական մշակույթի տանը ցուցադրվել են «Նռան գույնը», «Ուկրաինական ռապսոդիա», «Մոռացված նախնիների ստվերները», «Սուրամի բերդի լեգենդը» և այլ ֆիլմեր։

Ֆիլմերի ցուցադրությանը զուգահեռ տեղի են ունեցել Փարաջանովի կինեմատոգրաֆիայի վերաբերյալ փորձագիտական քննարկումներ, փարաջանովյան մոտիվներով կոլաժների պատրաստման վարպետաց դասեր և մի շարք այլ մշակութային միջոցառումներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր