ՀՀ դեսպանի հանդիպումները Ռումինիայի Կլուժ նահանգ կատարած այցի շրջանակներում

15 հուլիսի, 2024

Ռումինիայի Կլուժ նահանգ հուլիսի 13-15-ը կատարած այցի շրջանակներում Ռումինիայում ՀՀ դեսպան Տիգրան Գալստյանը անցկացրել է մի շարք հանդիպումներ։

ՀՀ դեսպանն այցելել է Կլուժ-Նապոկայի Բաբեշ֊Բոլայի համալսարան՝ հանդիպում ունենալով ռեկտոր Դանիել Դավիդի հետ, որին մասնակցել է նաև նույն համալսարանի Հայագիտության ինստիտուտի տնօրեն, Տրանսիլվանիայի ազգագրության թանգարանի ղեկավար, պրոֆեսսոր Թյուդոր Սըլըջեանը։

Զրույցի ընթացքում ընդգծվել է Կլուժի Բաբեշ֊Բոլա համալսարանի և ՀՀ բուհերի հետ համագործակցության ընդլայնման և խորացման հարցում կողմերի պատրաստակամությունը։ Այս առումով զրուցակիցները գոհունակությամբ նշել են Երևանի պետական բժշկական համալսարանի հետ առկա համագործակցությունը, որի շրջանակներում հայ ուսանողները մեկ ակադեմիական կիսամյակ ուսանելու են Կլուժում։

Հանդիպմանը շեշտվել է նաև Հայագիտության ինստիտուտի կարևոր դերակատարությունը Հայաստանի գործընկեր գիտաուսումնական հաստատությունների հետ համագործակցության գործում։

Այնուհետև դեսպան Գալստյանը պրոֆեսոր Սըլըջեանի ուղեկցությամբ այցելել է Տրանսիլվանիայի ազգագրության թանգարան։

ՀՀ դեսպանի` Կլուժ եռօրյա այցը եզրափակվել է Կլուժի նահանգային խորհրդի ղեկավարի տեղակալ Վակար Իշտվանի հետ հանդիպմամբ։

Հանդիպմանը քննարկվել են Հայաստանի Արմավիրի մարզի և Ռումինիայի Կլուժ նահանգի միջև առկա կապերի ընդլայնումը, ինչպես նաև տեղական ինքնակառավարման մարմինների միջև ապակենտրոնացված համագործակցության ակտիվացումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր