Դեսպան Տիգրան Գալստյանը հանդիպել է Կլուժ֊Նապոկա քաղաքի քաղաքապետ Էմիլ Բոկի հետ

15 հուլիսի, 2024

Ռումինիայի Կլուժ նահանգ կատարած աշխատանքային այցի շրջանակներում, հուլիսի 15-ին Ռումինիայում ՀՀ դեսպան Տիգրան Գալստյանը հանդիպել է նահանգային կենտրոն Կլուժ֊Նապոկա քաղաքի քաղաքապետ Էմիլ Բոկի հետ։

Հանդիպմանը ՀՀ դեսպանը ներկայացրել է հայ֊ռումինական քաղաքական ակտիվ երկխոսության ընթացքը, այդ թվում ապակենտրոնացված համագործակցության սերտացման հեռանկարները։

Ընդգծվել է Կլուժի հունգարախոս հայության պատմական դերակատարությունը տարածաշրջանի հասարակական֊քաղաքական կյանքում` որպես սփյուռքահայ հնագույն հանգրվան` ողջունելով քաղաքային իշխանությունների հատուկ ուշադրությունը Տրանսիլվանիայում բնակվող բազմաթիվ պատմական ազգային փոքրամասնությունների հանդեպ։

Կլուժ֊Նապոկայի քաղաքապետը ներկայացրել է բնակչության թվով Ռումինիայի երկրորդ քաղաքի հեռահար զարգացման տեսլականը` հիմնված 《կանաչ, թվային, ճկուն》 հայեցակարգի վրա, ինչպես նաև բարձրագույն կրթության և նորարար տեխնոլոգիաների ոլորտում քաղաքային իշխանությունների նախաձեռնություններն՝ ուղղված մասնավորապես քաղաքի բնակչության մեկ քառորդը կազմող ուսանողության բարեկեցությանը։

Զրուցակիցները քննարկել են ապակենտրոնացված համագործակցության շրջանակներում կրթական, տնտեսական և բարձր տեխնոլոգիաների ոլորտում համատեղ նախագծերի իրագործման հնարավորությունները, այդ թվում՝ միջհամալսարանական համագործակցության և փորձագիտական փոխայցելությունների ձևաչափով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր