Դեսպան Տիգրան Գալստյանը մասնակցել է Գերլայում անցկացված NurFolkFest-ի առաջին հանդիսության փակման արարողությանը

14 հուլիսի, 2024

Հուլիսի 14-ին Ռումինիայում ՀՀ դեսպան Տիգրան Գալստյանը մասնակցել է Գերլայում անցկացված NurFolkFest-ի առաջին հանդիսության փակման արարողությանը, որի նպատակը հայկական մշակույթը հանրահռչակելն էր՝ առանձնացնելով, մասնավորապես, հայկական ավանդական երաժշտությունն ու պարը։

Ռումինիայի հայերի միության Գերլայի մասնաճյուղի կողմից կազմակերպված փառատոնը մասնակիցներին և հանդիսատեսին ներկայացել է գեղարվեստական ծրագրի բազմազանությամբ, իսկ պատմական Արմենոպոլիսը դարձել է այն վայրը, որտեղ համախմբվել են Ռումինիայի, Բուլղարիայի, Բելգիայի և Ֆրանսիայի հայկական պարային համույթները։ Պատկերն ամբողջացրել են ռումինացի արտիստները, ինչպես նաև Հայաստանից հատուկ այս առիթով ժամանած հայկական ավանդական երաժշտության կատարողները։

Միջոցառման ավարտին Հայաստանի դեսպան Տիգրան Գալստյանը հրավիրվել է փառատոնի մասնակիցներին անձամբ հանձնելու պատվոգրեր, ովև շնորհավորել է փառատոնի մասնակիցներին հատուկ մթնոլորտի համար, որը ստեղծվել և փոխանցվել է NurFolkFest փառատոնի այս առաջին թողարկման շրջանակներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր