Դեսպան Տիգրան Գալստյանը հանդիպել է Ռումինիայի կրթության նախարար Լիջիա Դեկայի հետ

09 հուլիսի, 2024

Ռումինիայում ՀՀ դեսպան Տիգրան Գալստյանը հունիսի 9-ին հանդիպել է Ռումինիայի կրթության նախարար Լիջիա Դեկայի հետ։

Հանդիպմանն ընդգծվել է Հայաստանի և Ռումինիայի երկկողմ հարաբերություններում կրթական համագործակցության կարևորությունը` որպես ապագային միտված ներդրում և գործակցության առանցքային բաղադրիչ։ Այս առումով զրուցակիցները դրական են գնահատել կրթության ոլորտում միջգերատեսչական համագործակցության 5-ամյա ծրագրի համաձայնեցումը և առաջիկայում նախատեսվող ստորագրումը։

Անդրադարձ է կատարվել բարձրագույն կրթության ոլորտում հայ-ռումինական համագործակցության հեռանկարներին` ընդգծելով երկու երկրների բուհերի միջև ուղիղ համագործակցության շարունակական աճը։

ՀՀ դեսպանը կիսվել է վերջին ամսվա ընթացքում Ռումինիայի բուհեր կատարած այցելություններից իր տպավորություններով և հանդիպումների ընթացքում ձեռք բերված պայմանավորվածություններով։

Մտքեր են փոխանակվել ընթացիկ տարվա ընթացքում տարբեր համալսարանական ծրագրերով հայ և ռումինացի ուսանողների մասնակցությամբ իրականացված և ակնկալվող փոխայցելությունների վերաբերյալ, ինչպես նաև բազմակողմ ձևաչափով կրթական համագործակցության շուրջ, մասնավորապես՝ Ֆրանկոֆոնիայի համալսարանական գործակալության և Եվրոպական համալսարանական ցանցի առավել ակտիվ օգտագործմամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր