Տեղի է ունեցել դեսպան Տիգրան Գալստյանի հանդիպումը Ռումինիայի պետքարտուղար, Կանանց և տղամարդկանց միջև հավասար հնարավորությունների գործակալության ղեկավար Լյումինիցա Պոպեսկուի հետ

02 հուլիսի, 2024

Հուլիսի 2-ին տեղի է ունեցել Ռումինիայում ՀՀ դեսպան Տիգրան Գալստյանի հանդիպումը Ռումինիայի պետքարտուղար, Կանանց և տղամարդկանց միջև հավասար հնարավորությունների գործակալության ղեկավար Լյումինիցա Պոպեսկուի հետ։

Հանդիպմանը քննարկվել են մարդու իրավունքների և մասնավորապես կանանց իրավունքների պաշտպանության ոլորտում հայ֊ռումինական համագործակցության հեռանկարները, անդրադարձ է կատարել իրավահավասարության երաշխավորման և խտրականության բացառման ոլորտում երկու երկրներում արձանագրած առաջընթացին, դեռևս առկա մարտահրավերներին և դրանց հասցեագրման ուղիներին։

Երկուստեք կարևորվել է հասարակական-քաղաքական կյանքի բոլոր ոլորտներում կանանց ներգրավվածության շարունակական աճը, ինչպես նաև հայ և ռումին կին գործարարների և քաղհասարակության միջև կապերի ակտիվացումը։

Այս կապակցությամբ, զրուցակիցները գոհունակությամբ են ընդգծել նախորդ ամսվա սկզբին կանանց հանդեպ բռնության դեմ պայքարին միտված հայկական SafeYOU նորարար ստարտափի՝ Ռումինիայում գործունեության մեկնարկը և գործակալության հետ ակտիվ համագործակցությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր