Բուխարեստում մեկնարկել է Ֆրանկոֆոնիայի միջազգային կազմակերպության կողմից կազմակերպված ամառային համալսարանը

01 հուլիսի, 2024

Հուլիսի 1-ին Բուխարեստում մեկնարկել է Ֆրանկոֆոնիայի միջազգային կազմակերպության (ՖՄԿ) Կենտրոնական և Արևելյան Եվրոպայի տարածաշրջանային ներկայացուցչության կողմից կազմակերպված ամառային համալսարանը՝ Հայաստանից ժամանած ուսանողների մեծաքանակ խմբի մասնակցությամբ։

Ռումինիայի ԱԳ նախարար Լյումինիցա Օդոբեսկուի և ՖՄԿ գլխավոր քարտուղար Լուիզ Մուշիկիվաբոյի գլխավորությամբ կայացած հանդիսավոր բացման արարողությանը հաջորդել է Ռումինիայում Հայաստանի, Ֆրանսիայի, Մարոկկոյի, Լիբանանի և Վիետնամի դեսպանների մասնակցությամբ "Դիվանագետի արհեստը" խորագրով կլոր-սեղան հանդիպումը ամառային համալսարանի մասնակիցների հետ։

Ուսանողների հետ ինտերակտիվ հարցուպատասխանի ընթացքում ՀՀ դեսպան Տիգրան Գալստյանն անդրադարձել է դիվանագիտական գործունեության արդի մարտահրավերներին, ապագա դիվանագետներին անհրաժեշտ մասնագիտական և անձնական հմտություններին, քննադատական մտածողության թրծման և տեղեկատվական գրագիտության կարևորությանը, ինչպես նաև ներկայացրել ՀՀ արտաքին քաղաքականության գերակայությունները և ՖՄԿ շրջանակներում Հայաստանի ակտիվ ներգրավվածությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր