Դեսպան Տիգրան Գալստյանն այցելել է Բուխարեստի թատրոնի և կինոյի ազգային համալսարան և հանդիպել համալսարանի ռեկտոր Լիվիու Լուկաչիին

14 հունիսի, 2024

Հունիսի 14-ին Ռումինիայում ՀՀ դեսպան Տիգրան Գալստյանը, Ֆրանկոֆոնիայի միջազգային կազմակերպության տարածաշրջանային ներկայացուցչի ուղեկցությամբ այցելել է Բուխարեստի թատրոնի և կինոյի ազգային համալսարան և հանդիպել համալսարանի ռեկտոր Լիվիու Լուկաչիին։

ՀՀ դեսպանը ողջունել է ՖՄԿ տարածաշրջանային ներկայացուցչության ջանքերով Երևանի թատրոնի և կինոյի պետական ինստիտուտի և Բուխարեստի թատրոնի և կինոյի ազգային համալսարանի միջև վերջերս հաստատված սերտ համագործակցությունը, պրոֆեսորադասախոսական անձնակազմերի շրջանում փորձի փոխանակումը և համատեղ ծրագրերի իրականացումը՝ մասնավորապես ակնկալվող ուսանողական փոխայցերը։

Դեսպան Գալստյանը ծանոթացել է համալսարանի նոր տեխնիկական հնարավորություններին և ցուցասրահներին։

Մտքեր են փոխանակվել մշակութային համատեղ միջոցառումների կազմակերպման, երկու երկրների թատերարվեստի և կինոարվեստի գործերի հանրահռչակմանն ուղղված նոր նախաձեռնությունների իրականացման վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր