Դեսպան Տիգրան Գալստյանը հանդիպել է Բուխարեստի Պոլիտեխնիկ համալսարանի ռեկտոր Միհնեա Կոստոյուի հետ

13 հունիսի, 2024

Հունիսի 13-ին Ռումինիայում ՀՀ դեսպան Տիգրան Գալստյանը հանդիպել է Բուխարեստի Պոլիտեխնիկ համալսարանի ռեկտոր Միհնեա Կոստոյուի հետ։

Հանդիպմանը քննարկվել են կրթության և գիտության ոլորտում երկկողմ համագործակցության հեռանկարները, դասախոսների և ուսանողների փոխանակմանը միտված միջհամալսարանական շփումների ակտիվացումը, ինչպես նաև բարձրագույն ուսուցման համար հայ ուսանողներին կրթաթոշակների տրամադրման՝ ռումինական կողմի նախաձեռնությունը։

Անդրադարձ է կատարվել Ֆրանկոֆոնիայի միջազգային կազմակերպության շրջանակներում կրթական հաստատությունների միջև փոխգործակցության հաստատման հնարավորություններին՝ ողջունելով Բուխարեստի Պոլիտեխնիկ համալսարանի տարածքում Ֆրանկոֆոնիայի Տան հիմնումը, որը գալիք օրերին հյուրընկալելու է Ֆրանկոֆոնիայի ամառային համալսարանի մասնակիցներին, այդ թվում Հայաստանից ժամանող մեծաքանակ ուսանողների խմբին։

Հանդիպման ավարտին ՀՀ դեսպանը համալսարանի ռեկտորի ուղեկցությամբ շրջայց է կատարել համալսարանի տարածքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր