Դեսպան Տիգրան Գալստյանը հանդիպել է Բուխարեստի համալսարանի ռեկտոր Մարիան Պրեդային

05 հունիսի, 2024

Հունիսի 5֊ին Ռումինիայում ՀՀ դեսպան Տիգրան Գալստյանը հանդիպել է Բուխարեստի համալսարանի ռեկտոր Մարիան Պրեդային։

Հանդիպմանը երկուստեք ընդգծվել է կրթության և գիտության ոլորտում միջբուհական համագործակցության ներուժը` պատրաստակամություն հայտնելով առկա փոխգործակցությունը խորացնելու և հայկական բուհերի հետ համատեղ նոր նախաձեռնություններ իրականացնելու հարցում։

Այս համատեքստում անդրադարձ է կատարվել նաև Բուխարեստի համալսարանում հայոց լեզվի և հայագիտական դասընթացների ընդլայնման հնարավորություններին։

Գոհունակությամբ հիշատակելով Բուխարեստի համալսարանի քաղաքագիտության ֆակուլտետի նախաձեռնությամբ ապրիլի-մայիս ամիսներին կազմակերպված <<Հարավային Կովկասի քաղաքականությունը, տարածաշրջանային և միջազգային հարաբերություններ>> խորագրով դասընթացը` ՀՀ դեսպանը հույս է հայտնել, որ նմանօրինակ ծրագրերը կլինեն շարունակական՝ նպաստելով համալսարանի ուսանողների՝ Հայաստանի մասին գիտելիքների խորացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր