Բուխարեստում տեղի է ունեցել հայկական "Safe YOU" թվային հավելվածի շնորհանդեսը

03 հունիսի, 2024

Հունիսի 3-ին Բուխարեստում տեղի է ունեցել հայկական "Safe YOU" թվային հավելվածի շնորհանդեսը, որի ընթացքում, հավելվածի հիմնադիր Մարիամ Թորոսյանը ներկայացրել է կանանց և աղջիկների հանդեպ բռնության դեմ պայքարի նորարար գործիքի հնարավորությունները՝ ազդարարելով Ռումինիայի տարածքում դրա գործարկման մեկնարկը՝ ՄԱԿ Բնակչության հիմնադրամի (UNFPA) աջակցությամբ և կանանց սոցիալական պաշտպանության ոլորտում առաջատար ռումինական "Sensiblu Foundation" ՀԿ-ի հետ համագործակցությամբ։

Շնորհանդեսին մասնակցել են Ռումինիայում ՀՀ դեսպան Տիգրան Գալստյանը, Ռումինիայի իրավահավասարության հարցերի ազգային գործակալության տնօրեն Մոնալիզա Կըրստեան և Բուխարեստում հավատարմագրված դիվանագիտական և ՄԱԿ գործակալությունների, ինչպես նաև ռումինական քաղհասարակության և լրատվամիջոցների մի շարք ներկայացուցիչներ։

Միջոցառմանը նախորդել է մայիսի 31-ին ՀՀ դեսպանությունում "Safe YOU"-ի և ռումինական գործընկեր ՀԿ ներկայացուցիչների հյուրընկալությունը և կանանց և աղջիկների սոցիալական պաշտպանվածությանն ոլորտում համատեղ ծրագրերի հետագա հեռանկարների քննարկումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր