Դեսպան Տիգրան Գալստյանը մասնակցել է Բուխարեստի համալսարանի Քաղաքական գիտությունների ֆակուլտետի երկամսյա դասընթացի մասնակիցներին ավարտական վկայականների շնորհման արարողությանը

30 մայիսի, 2024

Մայիսի 30-ին Ռումինիայում ՀՀ դեսպան Տիգրան Գալստյանը մասնակցել է Բուխարեստի համալսարանի Քաղաքական գիտությունների ֆակուլտետի և Հայաստանի "Քաղաքակրթական և մշակութային հետազոտությունների կենտրոն" հիմնադրամի կողմից կազմակերպված "Հարավային Կովկասի քաղաքականությունը, տարածաշրջանային և միջազգային հարաբերություններ" խորագիրը կրող երկամսյա դասընթացի մասնակիցներին ավարտական վկայականների շնորհման արարողությանը։

Ողջունելով Բուխարեստի համալսարանի քաղաքական գիտությունների ֆակուլտետի նախաձեռնությունը և ուսանողների կողմից Հայաստանի նկատմամբ ցուցաբերած ակտիվ հետաքրքրությունը՝ ՀՀ դեսպանը շնորհավորել է շրջանավարտներին դասընթացի բարեհաջող ավարտի կապակցությամբ և ընդգծել հայ և ռումին հասարակությունների և մասնավորապես երիտասարդության շրջանում միմյանց երկրների վերաբերյալ փոխճանաչողության բարձրացմանն ուղղված միջոցառումների կարևորությունը երկու ժողովուրդների դարավոր բարեկամությունն էլ ավելի ամրապնդելու գործում։

Դեսպան Գալստյանը ներկայացրել է Հայաստանի արտաքին քաղաքական առաջնահերթությունները, առկա տարածաշրջանային գործընթացները և մարտահրավերները, ինչից հետո ուսանողները կիսվել են դասընթացից իրենց տպավորություններով, ինչպես նաև հայտնել Հայաստանի և տարածաշրջանի մասին ձեռք բերված նոր գիտելիքները շարունակաբար խորացնելու և հետազոտություններ իրականացնելու պատրաստակամությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր