Դեսպան Տիգրան Գալստյանը հանդիպել է Ռումինիայի ներդրումների և արտաքին առևտրի գործակալության նախագահ Ռարեշ Բուրլակուին

27 մայիսի, 2024

Մայիսի 27-ին Ռումինիայում ՀՀ դեսպան Տիգրան Գալստյանը հանդիպել է Ռումինիայի Ներդրումների և արտաքին առևտրի գործակալության նախագահ Ռարեշ Բուրլակուին։

Հանդիպմանն անդրադարձ է կատարվել Հայաստանի և Ռումինիայի միջև երկկողմ տնտեսական հարաբերությունների առկա իրավիճակին և երկկողմ ապրանքաշրջանառության՝ վերջին տարում արձանագրված դրական տեմպերին, ինչպես նաև ՀՀ-ԵՄ գործընկերության շրջանակներում փոխշահավետ տնտեսական նախաձեռնությունների հեռանկարներին։

Երկուստեք ընդգծվել է երկու երկրների առևտրատնտեսական կապերի սերտացմանն ուղղված աշխատանքների կարևորությունը և այդ առումով հայ֊ռումինական առևտրատնտեսական և գիտատեխնիկական համագործակցության միջկառավարական հանձնաժողովի աշխատանքների վերագործարկման անհրաժեշտությունը։

Մտքեր են փոխանակվել երկկողմ տնտեսական ներուժի իրացման և ընդլայնման, այդ թվում՝ գործարար շրջանակների միջև առկա շփումների խորացման ու նոր կապերի հաստատման շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր