Դեսպան Տիգրան Գալստյանը դեսպանությունում հյուրընկալել է Ռումինիայի ազգային Agerpres լրատվական գործակալության գլխավոր տնօրեն Կլաուդիա Նիկոլաեին

08 մայիսի, 2024

Մայիսի 8-ին Ռումինիայում ՀՀ դեսպան Տիգրան Գալստյանը դեսպանությունում հյուրընկալել է Ռումինիայի ազգային Agerpres լրատվական գործակալության գլխավոր տնօրեն Կլաուդիա Նիկոլաեին։

Հանդիպմանը քննարկվել են Հայաստանի և Ռումինիայի ազգային լրատվական ծառայությունների միջև առկա համագործակցության ընթացքը և դրա խորացման հեռանկարները՝ հիշատակելով հայկական Արմենպրես գործակալության հետ համագործակցության և տեղեկատվության փոխանակման համաձայնագրի կարևորությունը։

Անդրադարձ է կատարվել երկու բարեկամ երկրներում իրադարձությունների մասին որակյալ և անաչառ լուսաբանման հարցերին, ինչպես նաև ռումինահայ համայնքային միջոցառումների և հայ մշակույթի հանրահռչակման ուղղությամբ համատեղ աշխատանքին։

Զրուցակիցներն ընդգծել են տեղեկատվության և խոսքի ազատության առանքային դերը երկու երկրների հանրային կյանքում՝ պատրաստակամություն հայտնելով շարունակելու և ամրապնդելու համագործակցությունը հնարավոր բոլոր ձևաչափերով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր