Բուխարեստում կայացել է ռեժիսոր Իննա Սահակյանի <<Ավրորայի արշալույսը>> ֆիլմի ցուցադրությունը

24 ապրիլի, 2024

Հայոց ցեղասպանության 109-րդ տարելիցին նվիրված հիշատակի միջոցառումների շրջանակում ապրիլի 24-ին Ռումինիայի հայերի մշակութային կենտրոնի կազմակերպմամբ Բուխարեստում կայացել է միջազգային հեղինակավոր փառատոնների դափնեկիր, ռեժիսոր Իննա Սահակյանի <<Ավրորայի արշալույսը>> ֆիլմի ցուցադրությանը։

Նախքան ֆիլմի ցուցադրությունը օրվա խորհրդին նվիրված ելույթներով հանդես են եկել Ռումինիայում ՀՀ դեսպան Տիգրան Գալստյանը և Ռումինիայի հայերի միության նախագահ Վարուժան Ոսկանյանը։

Ցուցադրությանը ներկա են գտնվել դիվանագիտական կորպուսի, ռումինահայ համայնքի, Ռումինիայի ազգային փոքրամասնությունների ներկայացուցիչներ, ինչպես նաև բազմաթիվ ռումինացի կինոսերներ։

Դեսպան Գալստյանն իր խոսքում նշել է Հայոց ցեղասպանության ճանաչման կարևորությունն ապագա ոճրագործությունների կանխարգելման գործում՝ ընդգծելով, որ Մեծ Եղեռնի պատմական եղելության փաստի ընդունումը և ժխտողականության դեմ հետևողական պայքարը ոչ թե բարդ քաղաքական երկընտրանք է, այլ պարզ արժեհամակարգային ընտրություն և բխում է բացառապես ճանաչող երկրների և հասարակությունների շահերից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր