Բուխարեստի Սրբոց Հրեշտակապետաց Առաջնորդանիստ Մայր տաճարում մատուցվել է Հայոց ցեղասպանության 109-րդ տարելիցին նվիրված պատարագ

21 ապրիլի, 2024

Ապրիլի 21-ին Բուխարեստի Սրբոց Հրեշտակապետաց Առաջնորդանիստ Մայր տաճարում Ռումինիայի հայոց թեմի առաջնորդ Տեր Տաթև եպիսկոպոս Հակոբյանի գլխավորությամբ մատուցվել է Հայոց ցեղասպանության 109-րդ տարելիցին և ցեղասպանության սրբադասված զոհերի հիշատակի ոգեկոչմանը նվիրված պատարագ, որին հաջորդել է ծաղկեպսակների զետեղման արարողություն։

Միջոցառմանը մասնակցել են Ռումինիայում ՀՀ դեսպան Տիգրան Գալստյանը՝ դեսպանության ողջ անձնակազմի ուղեկցությամբ, Ռումինիայի հայերի միության նախագահ Վարուժան Ոսկանյանը, Բուխարեստում հավատարմագրված դիվանագիտական կորպուսի ներկայացուցիչներ, հայ համայնքի անդամներ և հասարակական գործիչներ։

Միջոցառմանը հաջորդել է Ռումինիայի հայերի միության կողմից Հայոց ցեղասպանության տարելիցի կապակցությամբ կազմակերպված գրական միջոցառումը, որտեղ հնչել են հայ մեծանուն գրողներ Դանիել Վարուժանի, Պարույր Սևակի, Սիամանթոյի և Ռուբեն Սևակի ստեղծագործություններ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր