Դեսպան Տիգրան Գալստյանը հանդիպել է Ռումինիայի կառավարության Կրոնի հարցերով պետական քարտուղար Չիպրիան-Վասիլե Օլինիչի հետ

16 ապրիլի, 2024

Ապրիլի 16-ին տեղի է ունեցել Ռումինիայում ՀՀ դեսպան Տիգրան Գալստյանի հանդիպումը Ռումինիայի կառավարության Կրոնի հարցերով պետական քարտուղար Չիպրիան-Վասիլե Օլինիչի հետ։

Հանդիպմանը երկուստեք ընդգծվել է ռումինահայության անուրանալի ներդրումը Ռումինիայի հասարակական֊ քաղաքական կյանքում, մտքեր են փոխանակվել համայնքային ներուժի լիարժեք իրացման հնարավորությունների շուրջ։

Անդրադարձ է կատարվել հայ համայնքի հոգևոր-կրթական և սոցիալ-մշակութային հարցերի լայն շրջանակի, ինչպես նաև Ռումինիայում հայկական եկեղեցիների պահպանության և հանրահռչակման հարցերին։

Փոխադարձ կարևորվել է միջեկեղեցական համագործակցությունը հայ և ռումին ժողովուրդների միջև պատմական բարեկամական կապերի ամրապնդման գործում։

Զրուցակիցները պատրաստակամություն են հայտնել հայ-ռումինական ընդհանուր հոգևոր և մշակութային ժառանգության պաշտպանությանն ու առաջմղմանը միտված հետագա հնարավոր համագործակցության շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր