Դեսպան Տիգրան Գալստյանը հանդիպում է ունեցել Ռումինիայի մշակույթի նախարար Ռալուկա Տուրկանի հետ

09 ապրիլի, 2024

Ապրիլի 9-ին Ռումինիայում ՀՀ դեսպան Տիգրան Գալստյանը հանդիպում է ունեցել Ռումինիայի մշակույթի նախարար Ռալուկա Տուրկանի հետ։

Հանդիպմանն առանձնահատուկ նշվել է Ռումինիայում հայկական հարուստ պատմամշակութային ժառանգության առկայությունը և երկու ժողովուրդների դարավոր մշակութային խորը կապերը, ինչպես նաև քննարկվել ոլորտային համագործակցության հետագա ընթացքը։

Գոհունակությամբ նշելով, որ 2019 թվականին Ռումինիայի խորհրդարանի կողմից հոկտեմբերի 12-ը հայոց լեզվի, այբուբենի և մշակույթի օր հռչակելը նոր հիմքեր է ստեղծել մշակութային ոլորտում առավել խորը փոխգործակցության համար՝ երկուստեք պայմանավորվածություն է ձեռք բերվել աշխատանքներ տանել երկկողմ համագործակցության հնգամյա նոր ծրագրի ստորագրման ուղղությամբ։

Զրուցակիցները մտքեր են փոխանակել համատեղ մշակութային միջոցառումների անցկացման, երկու երկրներում անցկացվող միջազգային մշակութային միջոցառումներին և փառատոներին փոխադարձ մասնակցության խրախուսման վերաբերյալ` ընդգծելով մշակութային շփումների առանձնահատուկ դերը հայ և ռումին ժողովուրդների միջև փոխադարձ ճանաչելիությունը բարձրացնելու հարցում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր