Դեսպան Տիգրան Գալստյանը հանդիպել է Ռումինիայի խորհրդարանում Հայաստանի հետ պատգամավորական բարեկամության խմբի ղեկավար Անդրեյ Դանիել Գեորգեին

28 մարտի, 2024

Ռումինիայում ՀՀ արտակարգ և լիազոր դեսպան Տիգրան Գալստյանը մարտի 28-ին հանդիպել է Ռումինիայի խորհրդարանում Հայաստանի հետ պատգամավորական բարեկամության խմբի ղեկավար Անդրեյ Դանիել Գեորգեին։

Արձանագրելով հայ֊ռումինական բարեկամական հարաբերություններում առկա դրական դինամիկան` կարևորվել է խորհրդարանական դիվանագիտության դերակատարությունը երկկողմ շփումների առավել ակտիվացման գործում։

Անդրադարձ է կատարվել երկու երկրների միջև փոխադարձ հետաքրքրություն ներկայացնող ոլորտներում համագործակցության ընթացքին, ինչպես նաև դրա առաջմղման նպատակով Հայաստանի և Ռումինիայի խորհրդարաններում բարեկամական խմբերի փոխգործակցությանը։

Զրուցակիցները մտքեր են փոխանակել նաև Հայաստան-ԵՄ գործընկերության շրջանակներում նախաձեռնությունների, ինչպես նաև բազմակողմ միջխորհրդարանական հարթակներում փոխաջակցության հարցերի վերաբերյալ։

Դեսպան Գալստյանը ռումինացի պատգամավորին է ներկայացրել տարածաշրջանում անվտանգային և հումանիտար իրավիճակը և դրա կայունացման ուղղությամբ ՀՀ կողմից գործադրվող ջանքերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր