Դեսպան Տիգրան Գալստյանը հանդիպում է ունեցել Ռումինիայի ԱԳՆ ռազմավարական հարցերով նորանշանակ պետքարտուղար Անա Քրիստինա Տինկայի հետ

27 մարտի, 2024

Մարտի 27-ին Ռումինիայում ՀՀ արտակարգ և լիազոր դեսպան Տիգրան Գալստյանը հանդիպում է ունեցել Ռումինիայի ԱԳՆ ռազմավարական հարցերով նորանշանակ պետքարտուղար Անա Քրիստինա Տինկայի հետ։

Զրուցակիցները գոհունակությամբ արձանագրել են երկու բարեկամ երկրների հարաբերություններում առկա դրական դինամիկան` հիմնված ընդհանուր արժեքների և փոխադարձ շահերի վրա։ Այս համատեքստում ընդգծվել է բոլոր մակարդակներով երկխոսության շարունակական աճի, ինչպես նաև տարբեր ոլորտներում միջգերատեսչական համագործակցության ակտիվացման կարևորությունը։

Մտքեր են փոխանակվել ՀՀ-ԵՄ գործընկերության խորացման պայմաններում հայ-ռումինական հարաբերությունների օրակարգի զարգացման ուղղությամբ առկա նախադրյալներն առավելագույնս օգտագործելու շուրջ, այդ թվում Սևծովյան տարածաշրջանում տնտեսական փոխկապակցվածության բարձրացմանն ուղղված փոխշահավետ ծրագրերի իրականացման միջոցով։

Տարածաշրջանային անվտանգությանն անդրադառնալիս` դեսպան Գալստյանն ընդգծել է առկա մարտահրավերների հասցեագրման նպատակով ՀՀ գործադրած ջանքերը` կարևորելով կայուն խաղաղությամբ շահագրգիռ բոլոր միջազգային գործընկերների կողմից դրանց աջակցության հրամայականը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր