Դեսպան Տիգրան Գալստյանը հանդիպել է Ռումինիայի առևտրաարդյունաբերական պալատի նախագահ Միհայ Դարաբանին

21 մարտի, 2024

Մարտի 21-ին Ռումինիայում ՀՀ արտակարգ և լիազոր դեսպան Տիգրան Գալստյանը հանդիպում է ունեցել Ռումինիայի առևտրաաարդյունաբերական պալատի նախագահ Միհայ Դարաբանի հետ։

Հանդիպմանը քննարկվել են երկկողմ առևտրատնտեսական համագործակցության ընդլայնմանն, գործարար կապերի խորացմանն առնչվող հարցեր։

Երկուստեք պատրաստակամություն է հայտնվել նոր ազդակ հաղորդել տնտեսության և ներդրումների բնագավառում հայ֊ռումինական փոխգործակցության զարգացմանը։

ՀՀ դեսպանը ռումինացի զրուցակցին է ներկայացրել Հայաստանում գործարար միջավայրի բարելավման ուղղությամբ իրականացվող քայլերը, տարբեր ուղղություններով ներդրումային ծրագրերի հնարավորությունները։

Ընդգծվել է փոխկապակցվածության բնագավառում ՀՀ նախաձեռնությունների և տրանսպորտային հաղորդակցության նոր ուղիների շահավետությունը Սևծովյան տարածաշրջանի տնտեսական զարգացման տեսանկյունից։

Մտքեր են փոխանակվել երկու երկրների առևտրաարդյունաբերական պալատների, ինչպես նաև հայ-ռումինական գործարար շփումների ակտիվացմանն ուղղված հնարավոր ծրագրերի և միջոցառումների իրականացման շուրջ, այդ թվում՝ տարածաշրջանային այլ գործընկերների ներգրավմամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր