Դեսպան Տիգրան Գալստյանի հանդիպումը Ռումինայի պատգամավորների պալատի անդամ Յուլիան Բուլայի հետ

19 մարտի, 2024

Մարտի 19-ին տեղի է ունեցել Ռումինիայում ՀՀ արտակարգ և լիազոր դեսպան Տիգրան Գալստյանի հանդիպումը Ռումինիայի պատգամավորների պալատի մշակույթի, արվեստի և լրատվության հարցերով մշտական հանձնաժողովի նախագահ, ԵԽԽՎ-ում Լիբերալ-ժողովրդավարական դաշինքի խմբակցության (ALDE) ղեկավար Յուլյան Բուլայի հետ։

Հանդիպմանը երկուստեք ընդգծվել է հայ-ռումինական բարեկամական հարաբերությունների ամրապնդմանն գործում խորհրդարանական դիվանագիտության կարևորությունը։

Գնահատելով ռումինահայության ներդրումը երկրի սոցիալ-մշակութային կյանքում՝ կարևորվել է մշակույթի և արվեստի ոլորտում համագործակցության և հայ մշակույթի տեսանելիության բարձրացմանն ուղղված ջանքերի առավել ակտիվացումը։

Մտքեր են փոխանակվել Եվրոպայի խորհրդի խորհրդարանական վեհաժողովում և այլ միջխորհրդարանական հարթակներում մարդու իրավունքների և հիմնարար ազատությունների պաշտպանության ու առաջմղման հարցերում հետագա փոխգործակցության վերաբերյալ։

Դեսպան Գալստյանը զրուցակցին է ներկայացրել տարածաշրջանում անվտանգային և հումանիտար իրավիճակն՝ ընդգծելով տարածաշրջանային կայունության դեմ ուղղված գործողությունների դատապարտման և հայկական կողմի կառուցողական ջանքերին աջակցության կարևորությունը, այդ թվում միջխորհրդարանական հարթակներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր