Դեսպան Տիգրան Գալստյանը հանդիպում է ունեցել Ռումինիայի պատգամավորների պալատի եվրոպական հարցերով մշտական հանձնաժողովի նախագահ Շտեֆան Մուշոյուի հետ

18 մարտի, 2024

Մարտի 18-ին Ռումինիայում ՀՀ արտակարգ և լիազոր դեսպան Տիգրան Գալստյանը հանդիպել է Ռումինիայի Պատգամավորների պալատի եվրոպական հարցերի մշտական հանձնաժողովի նախագահ Շտեֆան Մուշոյուի հետ։

Հանդիպման ընթացքում զրուցակիցները անդրադարձել են հայ-ռումինական բարեկամական հարաբերությունների հարուստ պատմությանը և հետագա ամրապնդմանը։

Երկուստեք կարևորվել է երկու երկրների հարաբերությունների հետագա խորացման գործում խորհրդարանական դիվանագիտության դերակատարությունը և միջխորհրդարանական շփումների առավել ակտիվացումը։

Քննարկվել են տնտեսական ոլորտում համագործակցության ընդլայնման հնարավոր եղանակները և Հայաստան-ԵՄ գործընկերության խորացման շրջանակներում Ռումինիայի ակտիվ աջակցության կարևորությունը։

Մտքեր են փոխանակվել տարածաշրջանային անվտանգության և հումանիտար իրավիճակի, ինչպես նաև տարածաշրջանային տնտեսական փոխկապակցվածության ուղղությամբ Հայաստանի կողմից իրականացվող ջանքերի վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր