Դեսպան Տիգրան Գալստյանը մասնակցել է Ռումիահայոց միության ընդհանուր ժողովին

16 մարտի, 2024

Մարտի 16-ին Ռումինիայում ՀՀ արտակարգ և լիազոր դեսպան Տիգրան Գալստյանը Ռումինահայոց միության հրավերով ներկա է գտնվել միության 2024թ․ տարեկան համաժողովին։

Ողջույնի խոսքում դեսպան Գալստյանը ընդգծել է ռումինահայ համայնքի պատմական կարևոր դերակատարությունը և օրինակելի ներգրավվածությունը Ռումինիայի հասարակական կյանքում, ինչպես նաև անգնահատելի ներդրումը հայ-ռումինական երկկողմ հարաբերությունների զարգացման մեջ՝ վստահություն հայտնելով, որ այդ ուղղությամբ միության կամրջող դերակատարությունը հետագայում ևս կշարունակվի և էլ ավելի կամրապնդվի։

Համաժողովի ընթացքում, որին մասնակցել են միության ներկայացուցիչներ Ռումինիայի տարբեր տարածաշրջաններից, ներկայացվել են ընթացիկ տարվա գործունեության հիմնական ուղղությունները և նախատեսվող գլխավոր միջոցառումները, ինչպես նաև տեղի են ունեցել ղեկավար կազմի ընտրություններ՝ Ռումինահայոց միության նախագահի պաշտոնում վերընտրելով Վարուժան Ոսկանյանին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր