Դեսպան Տիգրան Գալստյանը հանդիպում է ունեցել Ռումինիայի Սենատի արտաքին քաղաքականության հանձնաժողովի նախագահ Տիտուս Կոռլատեանի հետ

15 մարտի, 2024

Մարտի 15-ին Ռումինիայում ՀՀ արտակարգ և լիազոր դեսպան Տիգրան Գալստյանը հանդիպում է ունեցել Ռումինիայի Սենատի արտաքին քաղաքականության հանձնաժողովի նախագահ Տիտուս Կոռլացեանի հետ։

Երկուստեք արձանագրելով հայ-ռումինական բարեկամության պատմական կայուն հիմքերը և երկկողմ հարաբերություններում առկա դրական դինամիկան` կարևորվել է միջխորհրդարանական կապերի առավել ամրապնդումը և սերտացումը, այդ թվում ՀՀ-ԵՄ գործընկերության խորացման համատեքստում։

Զրուցակիցները մտքեր են փոխանակել միջազգային խորհրդարանական հարթակներում շարունակական փոխադարձ աջակցությանը, երկու երկրների խորհրդարանական խմբերի շփումների և փոխայցերի ակտիվացմանը միտված հետագա քայլերի շուրջ։

Անդրադառնալով տարածաշրջանում անվտանգային մարտահրավերներին` դեսպան Գալստյանը ներկայացրել է տարածաշրջանային փոխկապակցվածությանն ուղղված ՀՀ նախաձեռնությունները և կայուն խաղաղության հաստատմանը միտված ջանքերը՝ ընդգծելով խորհրդարանական դիվանագիտության միջոցով դրանց աջակցության կարևորությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր