Դեսպան Տիգրան Գալստյանը հանդիպում է ունեցել Ռումինիայի էներգետիկայի նախարար Սեբաստիան Բուրդուջայի հետ

15 մարտի, 2024

Մարտի 15-ին կայացել է Ռումինիայում ՀՀ արտակարգ և լիազոր դեսպան Տիգրան Գալստյանի և Ռումինիայի էներգետիկայի նախարար Սեբաստիան Բուրդուջայի հանդիպումը։

Գոհունակությամբ արձանագրելով տարբեր ոլորտներում հայ-ռումինական հարաբերությունների զարգացմանն առկա դրական դինամիկան՝ կողմերն անդրադարձել են էներգետիկ ոլորտում երկկողմ համագործակցության հեռանկարներին։

Մտքեր են փոխանակվել տարածաշրջանային էներգետիկ փոխկապակցվածությանն ուղղված նախագծերի իրականացման ընթացքի և այդ շրջանակներում հնարավոր փոխգործակցության հեռանկարներին։

Դեսպան Գալստյանն ընդգծել է Սևծովյան տարածաշրջանում տնտեսական և էներգետիկ ծրագրերին ՀՀ կայուն ներգրավվածության նշանակությունը և Եվրոպայի էներգետիկ անվտանգությանը նպաստելու պատրաստակամությունը։

Կարևորվել է ոլորտային երկկողմ համագործակցության հնարավոր ուղղությունները վերհանելու նպատակով փորձագիտական շփումների ակտիվացումը, այդ թվում ՀՀ-ԵՄ գործընկերության խորացման համատեքստում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր