Դեսպան Տիգրան Գալստյանը հադիպում է ունեցել Ռումինիայի Սենատի եվրոպական հարաբերությունների հանձնաժողովի նախագահ Վասիլե Դինկուի հետ

14 մարտի, 2024

Մարտի 14-ին կայացել է Ռումինիայում ՀՀ արտակարգ և լիազոր դեսպան Տիգրան Գալստյանի և Ռումինիայի Սենատի եվրոպական հարաբերությունների հանձնաժողովի նախագահ Վասիլե Դինկուի հանդիպումը։

Հանդիպմանը կողմերն անդրադարձել են հայ-ռումինական խորհրդարանական երկխոսության ընդլայնմանն առնչվող հարցերին, առկա համագործակցությանն ու հեռանկարներին` կարևորելով միջխորհրդարանական կապերի շարունակական խթանումը։

Երկուստեք ընդգծվել է հայ-ռումինական պատմական բարեկամության կայուն հիմքերի վրա և ՀՀ-ԵՄ հարաբերությունների ներկայիս խորացման պայմաններում Հայաստանի և Ռումինիայի միջև բոլոր հնարավոր ոլորտներում համագործակցության ներուժի լիակատար իրացման և դրական դինամիկայի հետագա ամրապնդման հրամայականը։

Դեսպան Գալստյանը ներկայացրել է տարածաշրջանային անվտանգային մարտահրավերները և դրանց հասցեագրմանն ուղղված ՀՀ ջանքերը` ընդգծելով այդ ջանքերին ԵՄ և անդամ երկրների շարունակական աջակցության կարևորությունը, այդ թվում՝ ակտիվ խորհրդարանական դիվանագիտության միջոցով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր