Դեսպան Տիգրան Գալստյանի և Ռումինիայի վարչապետ Մարչել Չոլակուի հանդիպումը

04 մարտի, 2024

Մարտի 4-ին Ռումինիայում ՀՀ արտակարգ և լիազոր դեսպան Տիգրան Գալստյանը հանդիպում է ունեցել Ռումինիայի վարչապետ Մարչել Չոլակուի հետ։

Ռումինիայի կառավարության ղեկավարը շնորհավորել է ՀՀ դեսպանին պաշտոնի ստանձնման կապակցությամբ` մաղթելով հաջողություն իր գործունեության մեջ։

Հանդիպմանը կարևորվել է հայ և ռումին ժողուվուրդների բարեկամության հարուստ պատմությանը համահունչ միջպետական հարաբերությունների առավել ամրապնդումը և խորացումը, այդ թվում՝ բոլոր մակարդակներով քաղաքական երկխոսության ակտիվացմամբ։

Կողմերը մտքեր են փոխանակել երկու երկրների միջև տնտեսական կապերի խորացման, Հայաստան-ԵՄ գործընկերության շրջանակներում սերտ համագործակցության, ինչպես նաև տարածաշրջանային հաղորդակցության և փոխկապակցվածության ծրագրերի իրականացման հարցերի շուրջ։

Քննարկվել են երկկողմ հետաքրքրություն ներկայացնող ոլորտներում Հայաստանի և Ռումինիայի պետական գերատեսչությունների միջև փոխգործակցության ընթացքը և համագործակցության հնարավոր նոր ուղղությունները։

Անդրադարձ է կատարվել Հարավային Կովկասի և սևծովյան տարածաշրջանում անվտանգային և հումանիտար մարտահրավերներին և դրանց լուծման ուղղությամբ գործադրվող ջանքերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր