Դեսպան Տիգրան Գալստյանը հանդիպում է ունեցել Ռումինիայի Սենատի նախագահ Նիկոլաե Չուկայի հետ

27 փետրվարի, 2024

Փետրվարի 27-ին Ռումինիայում ՀՀ արտակարգ և լիազոր դեսպան Տիգրան Գալստյանը հանդիպում է ունեցել Ռումինիայի խորհրդարանի վերին պալատի՝ Սենատի նախագահ Նիկոլաե Չուկայի հետ։

Հանդիպման շրջանակներում հանգամանալից քննարկվել են երկու երկրների հարաբերությունների խորացմանը համահունչ միջխորհրդարանական համագործակցության ընդլայնմանն, խորհրդարանական բարեկամության խմբերի միջև շփումների և փոխայցերի ակտիվացմանն, ինչպես նաև միջազգային միջխորհրդարանական կառույցների շրջանակներում փոխգործակցությանն ուղղված քայլերը։

Գոհունակությամբ նշելով երկու ժողովուրդների ավանդական ջերմ կապերը՝ զրուցակիցներն անդրադարձել են հայ-ռումինական հարաբերությունների խորացմանը միտված երկկողմ և Սևծովյան տարածաշրջանային տնտեսական նախագծերին, ինչպես նաև ՀՀ-ԵՄ գործընկերության շրջանակներում համատեղ ծրագրերին։

Դեսպան Գալստյանը զրուցակցին է ներկայացրել տարածաշրջանային անվտանգության հետ կապված առկա մարտահրավերները և դրանց հասցեագրմանն ուղղված քայլերը։

Հանդիպմանը քննարկվել են նաև Հարավային Կովկասում հաղորդակցության ուղիների գործարկման և տնտեսական փոխկապակցվածության զարգացման ուղղությամբ ՀՀ կառավարության նախաձեռնությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր