Դեսպան Սերգեյ Մինասյանը հյուրընկալել է Ռումինիայի Խորհրդարանի պատգամավոր Բեն-Օնի Արդելեանին

04 դեկտեմբերի, 2023

Դեկտեմբերի 4-ին Ռումինիայում Հայաստանի Հանրապետության դեսպան Սերգեյ Մինասյանը հյուրընկալեց Ռումինիայի Խորհրդարանի Պատգամավորների պալատի անդամ, նորաստեղծ «Հուսո շարժում» քաղաքական հարթակի և «Խաղաղություն» կուսակցության հիմնադիր Բեն-Օնի Արդելեանին։

Հանդիպման ընթացքում զրուցակիցներն երկուստեք ընդգծեցին հայ-ռումինական հարաբերություններում գրանցված դրական առաջընթացի կարևորությունը, անդրադարձան բազմակողմ հարթակներում, մասնավորապես, ԵՄ շրջանակներում համագործակցության հեռանկարներին, ինչպես նաև տարածաշրջանային զարգացումներին վերաբերող մի շարք հարցերի։

Դեսպանը պրն․ Արդելեանին ներկայացրեց Լեռնային Ղարաբաղից հայ բնակչության բռնի տեղահանման ու էթնիկ զտումների պատճառով ստեղծված հումանիտար ճգնաժամի մանրամասները, այդ համատեքստում կարևորելով Ռումինիայի և ԵՄ անդամ մյուս երկրների կողմից տրամադրված հումանիտար աջակցության նշանակությունը։

Ռումինացի պաշտոնյան շնորհակալություն հայտնեց դեսպանին՝ կարևորելով հոգևոր և բարոյական արժեքների վրա խարսխված հայ-ռումինական հարաբերությունների ամրապնդման ուղղությամբ դեսպանի գործադրած ջանքերը՝ մաղթելով հաջողություններ նրա հետագա մասնագիտական գործունեության ընթացքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր