Ռումինիայում ՀՀ դեսպանի և Ռումին Ուղղափառ Եկեղեցու Պատրիարքի հանդիպումը

20 սեպտեմբերի, 2023

Սեպտեմբերի 20-ին Ռումինիայում Հայաստանի Հանրապետության դեսպան Սերգեյ Մինասյանը հնադիպում է ունեցել Ռումին Ուղղափառ Եկեղեցու Պատրիարք Ամենապատիվ Տեր Դանիելի հետ։

Հանդիպման սկզբում դեսպան Մինասյանը շնորհակալություն է հայտնել Պատրիարքին ընդունելության համար և ընդգծել այն փաստը, որ Ռումինիայում իր դիվանագիտական ծառայության ընթացքում նկատել է Ռումին Ուղղափառ Եկեղեցու կարևոր դերակատարությունը ռումին հասարակության համար, ինչպես նաև ռումին և հայ ժողովուրդների միջև բարեկամական հարաբերությունների խթանման գործում:

Դանիել Պատրիարքը շնորհակալություն է հայտնել դեսպանին գնահատանքի համար և համոզմունք հայտնել, որ երկու ժողովուրդների և եկեղեցիների ավանդական հարաբերությունները կշարունակեն խորանալ ու ընդլայնվել՝ հաշվի առնելով անցյալի՝ ինչպես Օսմանյան կայսրության, այնպես էլ կոմունիստական ժամանակաշրջանների ընդհանուր փորձը։

Դեսպան Մինասյանը Պատրիարքին ներկայացրել է Լեռնային Ղարաբաղում ստեղծված օրհասական իրավիճակը և տեղի մշակութային ու կրոնական ժառանգության ոչնչացմանն ու յուրացմանն ուղղված Ադրբեջանի քաղաքականության մասին՝ նշելով, որ ժամեր առաջ Ադրբեջանն իր հսկողության տակ է վերցրել հայերի մեծագույն սրբություններից մեկը՝ Ամարասի վանական համալիրը (IV դար)։

Պատրիարք Դանիելը բարձր է գնահատել հայ ժողովրդի փորձն իր էթնիկ և կրոնական ինքնության պահպանման գործում՝ չնայած Լեռնային Ղարաբաղի տարածաշրջանում, այդ թվում այս օրերին, առկա դժվարություններին։ Այս համատեքստում Նորին Սրբությունը հույս է հայտնել, որ լուծումներ կգտնվեն հակամարտության կարգավորման, ինչպես նաև տուժածներին համերաշխություն և աջակցություն ցուցաբերելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր