Ռումինիայում ՀՀ դեսպան Սերգեյ Մինասյանը հանդիպում է ունեցել Ռումինիայի թագի պահապան Նորին Մեծություն Մարգարետայի հետ

13 սեպտեմբերի, 2023

Սեպտեմբերի 12-ին Ռումինիայում Հայաստանի Հանրապետության արտակարգ և լիազոր դեսպան Սերգեյ Մինասյանն իր տիկնոջ՝ Լիանա Մինասյանի հետ Էլիզաբետա պալատում հրաժեշտի հանդիպում է ունեցել Ռումինիայի թագի պահապան Նորին Մեծություն Մարգարետայի հետ։

Հանդիպման ընթացքում երկուստեք ընդգծվել են Ռումինիայի թագավորական ընտանիքի և հայ համայնքի սերտ պատմական հարաբերությունները և Թագավորական ընտանիքի ցուցաբերած անուրանալի աջակցությունը 20-րդ դարի սկզբին Ռումինիա գաղթած հայ փախստականներին։

Դեսպանը գոհունակությամբ անդրադարձել է դեսպանության և Թագավորական ընտանիքի միջև ավանդական դարձած համագործակցությանն՝ այս համատեքստում հատուկ ընդգծելով 2019թ. արքայազն Ռադուի Հայաստան կատարած այցի կարևորությունը։

Նորին Մեծություն Մարգարետան շնորհակալություն է հայտնել դեսպանին Ռումինիայում իր ծառայության ընթացքում ներդրած ջանքերի ու արդյունավետ համագործակցության համար՝ մաղթելով նորանոր ձեռքբերումներ մասնագիտական գործունեության մեջ։

Հանդիմանը մասնակցել են նաև Նորին Մեծության Տան տնօրեն Կոնստանցա Յորգան և Նորին Մեծության Տան կանցլեր Տրայան Սարկան։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր