Դեսպան Սերգեյ Մինասյանը հանդիպում է ունեցել Ռումինիայի խորհրդարանի Պատգամավորների պալատի մշակույթի, արվեստների և զանգվածային լրատվամիջոցների հարցերով հանձնաժողովի նախագահ Յուլիան Բուլայի հետ

12 սեպտեմբերի, 2023

Սեպտեմբերի 11-ին Ռումինիայում Հայաստանի Հանրապետության դեսպան Սերգեյ Մինասյանը հանդիպում է ունեցել Ռումինիայի խորհրդարանի Պատգամավորների պալատի մշակույթի, արվեստների և զանգվածային լրատվամիջոցների հարցերով հանձնաժողովի նախագահ Յուլիան Բուլայի հետ։

Հանդիպմանն անդրադարձ է կատարվել երկկողմ հարաբերությունների խորհրդարանական ձևաչափին՝ ընդգծելով վերջին շրջանում արձանագրված դրական դինամիկան։

Զրուցակիցները քննարկել են խորհրդարանական դիվանագիտության ակտիվացման ուղիներն՝ ընդգծելով խորհրդարանական փոխայցերի շարունակականությունը պահպանելու կարևորությունը։

Մտքեր են փոխանակվել նաև տարածաշրջանային և միջազգային կարևորության հարցերի շուրջ: Այս համատեքստում դեսպան Մինասյանը ներկայացրել է Հարավային Կովկասի տարածաշրջանում առկա անվտանգային մարտահրավերները, Լեռնային Ղարաբաղում ստեղծված հումանիտար ճգնաժամը և հայկական կողմի մոտեցումները՝ տարածաշրջանում տևական և կայուն խաղաղություն հաստատելու համար:

Հանդիպման ավարտին ռումինացի պատգամավորը շնորհակալություն է հայտնել դեսպանին երկկողմ խորհրդարանական հարաբերություններն առաջ մղելու հարցում արդյունավետ համագործակցության համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր