Դեսպան Սերգեյ Մինասյանը հեռավար ձևաչափով մասնակցել է Ռումինիայի Գեորգեն քաղաքում կազմակերպված տնտեսական 3-րդ համաժողովին

11 սեպտեմբերի, 2023

Սեպտեմբերի 8-ին Ռումինիայում ՀՀ դեսպան Սերգեյ Մինասյանը հեռավար ձևաչափով մասնակցեց Ռումինիայի Հարգիտա նահանգի Գեորգեն քաղաքում (պատմական հայաբնակ Ջուրջով) կազմակերպված տնտեսական 3-րդ համաժողովին, որը հիբրիդային ձևաչափով անցկացվում էր Հայկական արվեստի փառատոնի 13-րդ թողարկման շրջանակներում: Միջոցառումը կազմակերպվել էր Գեորգենի հայ կաթոլիկ միության նախաձեռնությամբ (ղեկավար` Լասլո Կուլչար) և Հարգիտա շրջանի զարգացման գործակալության ու Էնթերփրայզ Արմենիայի աջակցությամբ։

Համաժողովի նպաատակն էր Հայաստանի և Ռումինիայի միջև գործարար ու առևտրային կապերի հաստատումը և համագործակցության եզրերի հստակեցումը։

Հայկական կողմից միջոցառմանը մասնակցեցին և ելույթներով հանդես եկան Ռումինիյիայում ՀՀ դեսպան Սերգեյ Մինասյանը, Լոռու մարզպետարանի զարգացման, վերլուծության և զբոսաշրջային ծրագրերի բաժնի պետ Հասմիկ Մկրտչյանը, Հայաստանի արդյունաբերողների և գործարարների միության փոխնախագահ Ներսես Կարամանուկյանը և այլք, իսկ ռումինական կողմից՝ Հարգիտայի նահանգային խորհրդի փոխնախագահ Բարտի Տիհամերը, “Patronatul Român”-ի Հարգիտա նահանգի նախագահ Դեժո Մարկը և նահանգում ւործող առաջատար բիզնեսների ներկայացուցիչներ։

Համաժողովի մոդերատորներն էին Հայաստան-Հունգարիա բարեկամության և մշակութային կապերի ընկերության նախագահ Անահիտ Սիմոնյանը և Գեորգենի հայ կաթոլիկ միության ղեկավար Լասլո Կուլչարը։

Հանդիպման ավարտին կողմերը պայմանավորվեցին շարունակակել աշխատաքները՝ փոխադարձ հետաքրքրություն ներկայացնող ոլորտներում համագործակցությունն ակտիվացնելու և խորացնելու նպատակով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր