Դեսպան Սերգեյ Մինասյանին ընդունել է Ռումինիայի վարչապետ Մարչել Չոլակուն

05 սեպտեմբերի, 2023

Սեպտեմբերի 4֊ին կայացել է Ռումինիայում Հայաստանի Հանրապետության արտակարգ և լիազոր դեսպան Սերգեյ Մինասյանի հանդիպումը Ռումինիայի վարչապետ Իոն֊Մարչել Չոլակուի/Ion-Marcel CIOLACU հետ։ Հանդիպմանը մասնակցում էր նաև Ռումինիայի խորհրդարանի ազգային փոքրամասնությունների խմբի ղեկավար Վարուժան Փամբուկչյանը/Varujan PAMBUCCIAN:

Հանդիպմանն երկուստեք կարևորվել է հայ֊ռումինական հարաբերություններում վերջին շրջանում արձանագրված դրական դինամիկան, ընդգծվել, որ լավ նախադրյալներ են ստեղծվել երկկողմ հարաբերություններն որակական նոր մակարդակի տեղափոխելու համար։

Զրուցակիցները քննարկել են հայ֊ռումինական համագործակցության հեռանկարները քաղաքական, տնտեսական, հեռահաղորդակցության, գիտա֊կրթական և մշակութային ոլորտներում, ինչպես նաև փոխգործակցության ընդլայնման հնարավորությունները Հայաստան֊Եվրոմիություն համապարփակ գործընկերության շրջանակներում։

Անդրադառնալով Ընդլայնված սևծովյան տարածաշրջանում անվտանգային գործընթացներին' դեսպան Մինասյանը Ռումինիայի կառավարության ղեկավարին է ներկայացրել Լեռնային Ղարաբաղում օրըստօրե խորացող հումանիտար ճգնաժամի մանրամասները։

Հանդիպման ավարտին Ռումինիայի վարչապետը շնորհակալություն է հայտնել դեսպանին Հայաստանի և Ռումինիայի միջև հարաբերությունների զարգացման գործում ներդրած ջանքերի համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր