Դեսպան Սերգեյ Մինասյանը հանդիպում է ունեցել Ռումինիայի Պատգամավորների պալատի արտաքին քաղաքականության հարցերի հարձնաժողովի նախագահ Ռոզալիա Բիրոյի հետ

31 օգոստոսի, 2023

Օգոստոսի 29֊ին կայացել է Ռումինիայում Հայաստանի Հանրապետության դեսպան Սերգեյ Մինասյանի հանդիպումը Ռումինիայի Պատգամավորների պալատի արտաքին քաղաքականության հարցերի հարձնաժողովի նախագահ Ռոզալիա֊Իբոլյա Բիրոյի/ Rozália-Ibolya BIRÓ հետ։

Հանդիպմանը զրուցակիցները քննարկել են երկկողմ և բազմակողմ հարթակներում խորհրդարանական համագործակցության օրակարգային հարցեր' երկուստեք գոհունակությամբ արձանագրելով վերջին շրջանում Հայաստանի և Ռումինիայի միջև քաղաքական երկխոսության ակտիվացմանն ուղղված քայլերը։ Ընդգծվել է, որ երկու երկրների փոխգործակցության ակտիվացումը պայմանավորված է ինչպես միջազգային և տարածաշրջանային մարտահրավերներին դիմակայելու հրամայականով, այնպես էլ' հայ և ռումին ժողովուրդների միջև պատմականորեն ձևավորված բարեկամական կապերով։

Դեսպան Մինասյանը զրուցակցին է ներկայացրել Ադրբեջանի կողմից Լաչինի միջանցքի ապօրինի արգելափակման հետևանքով Լեռնային Ղարաբաղում օրեցօր վատթարացող հումանիտար իրավիճակը' այս համատեքստում ընդգծելով կանանց և երեխաների' որպես ամենախոցելի խմբերի իրավունքների ակնհայտ խախտումների հանգամանքը։ Կարևորելով Լաչինի միջանցքի արգելափակման վերացման հարցում միջազգային հանրության կողմից հստակ գնահատականներով հանդես գալը' դեսպանն ընդգծել է առկա միջազգային մեխանիզմներն այդ ուղղությամբ արդյունավետ օգտագործելու անհրաժեշտությունը։

Արժևորելով պաշտոնավարման ընթացքում դեսպան Մինասյանի ներդրումը հայ֊ռումինական հարաբերությունների զարգացման գործում' տիկին Բիրոն շնորհակալություն է հայտնել դեսպանին արդյունավետ համագործակցության համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր