Դեսպան Ս․ Մինասյանի հանդիպումը Ռումինիայի Սենատի արտաքին քաղաքականության հարցերի հանձնաժողովի նախագահ Տ․ Կոռլատեանի հետ

31 օգոստոսի, 2023

Օգոստոսի 29֊ին Ռումինիայում Հայաստանի Հանրապետության արտակարգ և լիազոր դեսպան Սերգեյ Մինասյանը հանդիպում է ունեցել Ռումինիայի Սենատի արտաքին քաղաքականության հարցերի հանձնաժողովի նախագահ Տիտուս Կոռլատեանի/Titus Corlățean հետ։

Հանդիպման սկզբում դեսպան Մինասյանը ներկայացրել է Ադրբեջանի կողմից Լաչինի միջանցքի ապօրինի արգելափակման և վերջինիս հետևանքով Լեռնային Ղարաբաղում ստեղծված հումանիտար ճգնաժամի մանրամասներն' ընդգծելով միջազգային հանրության հստակ և հասցեական արձագանքի անհրաժեշտությունը։

Կողմերն երկուստեք ընդգծել են վերջին շրջանում հայ֊ռումինական հարաբերություններում արձանագրված դրական դինամիկան' կարևորելով երկկողմ փոխգործակցության տնտեսական բացադրիչի ակտիվացմանը, քաղաքական փոխայցերի շարունակականության ապահովմանն, ինչպես նաև միջազգային հարթակներում համագործակցության աշխուժացմանն ուղղված քայլերը։

Բարձր գնահատելով պաշտոնավարման ընթացքում դեսպան Մինասյանի ներդրումը հայ֊ռումինական հարաբերությունների զարգացման գործում' ռումինացի պաշտոնյան շնորհակալություն է հայտնել դեսպանին արդյունավետ համագործակցության համար' մաղթելով հաջողություններ հետագա գործունեության մեջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր