Դեսպան Սերգեյ Մինասյանը հանդիպում է ունեցել Ռումինիայի Պատգամավորների պալատի արտաքին քաղաքականության հարցերի հարձնաժողովի նախագահ Ռոզալիա Բիրոյի հետ

08 փետրվարի, 2023

Փետրվարի 8-ին Ռումինիայում Հայաստանի Հանրապետության դեսպան Սերգեյ Մինասյանը հանդիպել է Ռումինիայի խորհրդարանի Պատգամավորների պալատի արտաքին հարաբերությունների հանձնաժողովի նախագահ Ռոզալիա Իբոյա Բիրոյին։ Հանդիպմանը մասնակցել է նաև Պատգամավորների պալատի ազգային փոքրամասնությունների խմբի ղեկավար Վարուժան Փամբուկչյանը։

Հանդիպմանը քննարկվել են երկկողմ խորհրդարանական հարաբերությունների ակտիվացման հնարավորություններն ինչպես երկկողմ, այնպես էլ բազմակողմ հարթակներում՝ այդ թվում նաև Հայաստան-ԵՄ հարաբերությունների համատեքստում։ Կարևորվել է Հայաստանում ԵՄ քաղաքացիական դիտորդական առաքելության տեղակայման նշանակությունը՝ որպես տարածաշրջանային խաղաղությանն ու կայունությանը նպաստող գործոն։

Դեսպանը ներկայացրել է նաև Լաչինի միջանցքի արգելափակման հետևանքով Լեռնային Ղարաբաղում ստեղծված հումանիտար ճգնաժամի մանրամասները՝ շեշտելով, որ անհրաժեշտ է միջազգային հանրության միասնական հստակ դիրքորոշումն այս հարցում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր